Fyrradagin komu tvær kommunur afturat tænastuveitarunum á Vanganum.
Borgarar í Sunda kommunu og Runavíkar kommunu kunnu nú brúka Vangan til at avgreiða fleiri talgildar tænastur, sum t.d. at søkja um dagstovnapláss og byggiloyvi.
Tað boða kommunurnar frá í tíðindaskrivi.
– Tað var ongantíð nakar ivi um, at Runavíkar kommuna skuldi gerast partur av Talgildu Føroyum, og síggja vit við spenningi fram til tann dagin, táið vit aka við fullari ferð á hesi nýggju breytini, sigur Torbjørn Jacobsen, borgarstjóri í Runavíkar kommunu.
Í Sunda kommunu fegnast tey eisini um samstarvið við Talgildu Føroyar, og Jógvan Kruse, borgarstjóri í Sunda kommunu, sigur soleiðis:
– Sum ein stór og spjødd kommuna hevur tað avgerandi týdning, at allir okkara borgarar hava javnbjóðis atgongd til okkara borgaratænastu í teirra nærumhvørvi, og við Vanganum røkka vit nú út í hvørja bygd, hvørt hús og næstan hvønn lumma í Sunda kommunu, samstundis sum ljóskaðal verður lagdur í nærum hvørt hús.
Vinarliga broyt tínar kennifíla - og privatlívsstillingar fyri at síggja hetta innihald