Sunnvá Dahl Høgfeldt tikið sæti í Tórshavnar býráð

Á býráðsfundi í Tórshavnar býráði hósdagin í farnu viku tók Sunnvá Dahl Høgfeldt sæti í býráðnum sum varafólk fyri Annfinn Brekkstein, sum var burturstaddur. 

Sunnvá Dahl Høgfeldt stillaði upp til seinasta býráðsval á listanum hjá Sambandsflokkinum. Hon bleiv sum nummar tvey á listanum aftanfyri Annfinn Brekkstein, sum varð valdur í býráðið. Hon fekk 145 atkvøður.

Hetta er fyrstu ferð Sunnvá Dahl Høgfeldt tekur sæti á býráðsfundi, men neyvan seinastu ferð. Sum nevnt er hon fyrsta varafólk hjá Annfinn Brekkstein í Tórshavnar býráð. Hon tekur sostatt sæti á býráðsfundi, tá Annfinn er burturstaddur.

Sunnvá Dahl Høgfeldt er annars ommudóttir Katrin Dahl úr Hoyvík, sum sat í Tórshavnar býráð frá 1988 til 2000.