Svartakálk órógvaði ferðsluna í morgun

Hóast hitamátararnir mátaðu hitastig í morgun, so var tað ógvuliga hált í støðum.

Á Velbastaðhálsi fór ein lastbilur oman av vegnum. Hóast bilurin var væl skøddur, so megnaði hann ikki at halda sær á vegnum tá farast skuldi um Hálsin. Bilurin fór ígjøgnum bilverjuna og oman av vegnum, upplýsir vakthavandi á løgreglustøðini.

Eisini á Kalsbaksvegnum var ógvuliga hált í støðum eitt skifti í morgun. Nærhendis Sund koyrdi ein bilur niðan av vegnum.

Ongir persónsskaðar vóru í óhappunum í morgun.