Norðurlendskt er tema er í X Factor í kvøld, og fyri løtu síðani kunngjørdi TV2 hvørji løg, luttakararnir fara at framføra.
18 ára gamla Tina Mellemgaard úr Hoyvík, sum síðsta fríggjakvøld endaði í vandabólkinum, fer at syngja egið lag. Tað verður ein sangur við heitinum “Ord”.
Kári Fossdalsá, sum hevur verið í vandabólkinum tvær ferðir, men sum fríggjadagin óvæntað kom beinleiðis víðari, kundi longu fyri viku síðani avdúkað, at tað ikki bleiv eitt føroyskt lag, hann fór at framføra.
Hann fer nevniliga at royna seg á svenskum við kenda lagnum “Svag” hjá Victor Leksell.
Hetta er fimta liveshow og sostatt eru tað bara fimm av níggju luttakarum eftir.
X Factor verður sent klokkan 19 føroyska tíð á danska TV2.
Fyri Tinu skal atkvøðast TI til 1234
Fyri Kára skal atkvøðast KA til 1234
Les eisini: Kári og X Factor á stórskíggja á Svangaskarði
Vinarliga broyt tínar kennifíla - og privatlívsstillingar fyri at síggja hetta innihald