Svii handtikin í Iran

Iransku myndugleikarnir boða frá, at ein svii er vorðin handtikin og skuldsettur fyri njósning í landinum.

Sambært iranskum miðlum, sum m.a. DR endurgevur, hevur sviin verið eygleiddur á fleiri ferðum í Iran, har hann hevur borið seg illgrunasamt at og hevur vitjað býir, sum ikki eru vanlig ferðamál.

Hann skal eisini eitast at hava vitjað ísraelsk-hersett øki í Palestina, áðrenn hann er farin víðari til Iran.

Svenska uttanríkismálaráðið sigur, at talan er um eitt kent mál, sum arbeitt hevur verið við í eina tíð.