Svimjihøllin í Gundadali nú opin sum vanligt

17. august lat svimjihøllin í Gundadali uppaftur eftir at hava verð stongd í eina góða viku orsakað av koronasmittuni.

Tó vóru avmarkingar, og hitarúmini og kalda karið vórðu ikki tøk fyrstu tíðina.

Nú boðar Tórshavnar kommuna tó frá, at opið er aftur sum vanligt.

Frá í dag, 3. september, verður ikki longur stongt millum klokkan 12 og 14, og hitarúmini og kalda karið eru eisini tikin í brúk aftur.

Tó sleppa framvegis bert 100 fólk inn samstundis, og mint verður framvegis á, at vitjandi eiga at halda frástøðu og at spritta hendurnar væl.