Syrgilig vanlukka í Havn

Stutt eftir klokkan eitt í nátt hendi ein vanlukka uttanfyri Hilton Garden Inn í Havn.

Ein maður í 50unum datt uttanfyri gistingarhúsið og doyði av fallinum, sum verður mett at vera einar tríggjar metrar, sigur vaktleiðarin á løgreglustøðini í Havn.

Fólk vóru skjót á staðnum og ringdu eftir hjálp. Løgregla og sjúkrabilur vórðu send á staðið, men stutt eftir varð staðfest, at maðurin var deyður.

Alt bendir á, at talan er um eina syrgiliga vanlukku, men løgreglan kannar málið. M.a. skulu avhoyringar gerast í dag, og vitnini hava fingið tilboð um kreppuhjálp.

Dagførd kl. 9.35