Blaðið Vikuskifti
Ráðgevingarfyritøkan Nira hevur gjørt eina greining av roknskapunum hjá føroysku byggifyritøkunum, sum í 2020 høvdu ein bruttovinning, sum var størri enn 10 milliónir krónur.
Talan er tískil ikki um eina kanning av allari byggivinnuni í Føroyum, men bert teimum størru fyritøkunum, sum í hesi kanning eru 13 í talið.
Besta úrslitið í 2020 í hesi kanningini hevði Pf. Articon, við 25,5 milliónum krónum. Næstbesta úrslitið hevði Pf. Løvubetong við 13,3 milliónum og á triðja plássi kom J&K Petersen Contractors við 6,3 milliónum krónum.
Stórur munur er støddini á byggifyritøkunum, sum vístar eru í greiningini.
Meðan tann størsta byggifyritøkan í landinum, Articon, hevði 304 ársverk í 2021 hevði J&K Petersen 128 ársverk: ein fyritøka sum HVT Sp/f hevði 86 ársverk. Restin liggja væl lægri í starvsfólkatalið.
Nevnast kann, at Articon hevði eitt ársúrslit roknað pr. starvsfólk á 84.000 kr. HVT hevði 54.000 kr. í avlopið pr. starvsfólk meðan J&K Petersen hevði 48.000 kr. í avlopið pr. starvsfólk.
Vinarliga broyt tínar kennifíla - og privatlívsstillingar fyri at síggja hetta innihald