TAKS: Ferðaleiðaravirksemi er mvg-skyldugt

Nú er staðfest, at ferðaleiðarar skulu leggja meirvirðisgjald á virksemi sítt.

Hetta virksemið hevur annars verið tulkað sum mvg-frítt í nøkur ár. Tulkingin hevur verið grundað á § 2, stk. 3, litra l, í mvg-lógini. Síðan varð komið eftir, at tulkingin var ikki bein, og avgerð varð tí tikin um, at mvg skuldi leggjast á, skrivar TAKS á heimasíðuna.

Tað er í sambandi við kæru um málið, at Skatta- og avgjaldskærunevndin hevur havt spurningin til viðgerðar, og í niðurstøðu hevur nevndin tikið undir við avgerðini hjá TAKS​.

Sostatt er nú endaliga staðfest, at ferðaleiðaravirksemi er mvg-skyldugt.