Tamarhald á smittuni í Hjørring

- Tað er ikki størri vandi at vitja strondina í Løkken enn tað er at fara ein túr eftir Stroynum í Keypmannahavn.

Soleiðis skrivar Hjørring kommuna í Norðurjútlandi í tíðindaskrivi í dag nú tað er staðfest, at smittuvandin ikki er størri í Hjørring kommunu enn hann er í øðrum donskum kommunum.

Eftir at tað herfyri varð staðfest koronasmitta áeinum røktarheimi í kommununi, hevur Hjørring verið eitt tað staðið við mestari smittu í Danmark.

Men nú er støðan ”normaliserað” aftur.

Tí tekur kommunan nú tiltøkini aftur, sum vórðu sett í verk, tá smittan blómaði upp á røktarheiminum.

Hetta merkir, at frá næstu viku verður aftur møguleiki at vitja búfólkini á røktarheimunum uttandura.

Men herdu tiltøkini verða tó framvegis galdandi fyri heimið, ið eitur Vendelbocentret, skrivar Ritzau.