Innanlands

Teistin fer á beding - Ternan skal sigla um Skopunarfjørð

Hetta merkir, at Jósup skal røkja siglingina um Nólsoyarfjørð. Hesar broytingar verða galdandi í minst tvær vikur - frá 2/9

Teistin skal nú á beding, og hetta ávirkar Nólsoyarleiðina (Mynd: Sverri Egholm)

Teistin skal nú á beding, og hetta ávirkar Nólsoyarleiðina (Mynd: Sverri Egholm)

2019-08-26 13:21 Author image
Agnar Prestá
placeholder

 Strandfaraskip Landsins boðar frá, at í samband við at Teistin fer á beding 2. september verða hesar broytingar í siglingini; 

- Ternan røkir siglingina á leið 60 (um Skopunarfjørð) og siglir sambært galdandi ferðaætlan.

- Jósup røkir leið 90 (um Nólsoyarfjørð) eftir galdandi ferðaætlan

[object Object]
(Ternan var á beding í juli - Mynd: SSL)

Sam ger farmatúr týs- og hósdagar kl.11:15 úr Havn og 12:15 úr Nólsoy.

Sambært SSL tekur arbeiði væntandi umleið tvær vikur. Miðjað verður eftir at hava Teistan í sigling aftur mánadagin 16. september

Jósup, ið gevst við Mykinessiglingini 1.september,  hevur loyvi til at føra 88 ferðandi. Tó sleppa ongir bilar við. Tá Ternan var á beding í seinasta mánaði røktu Spógvin og Sildberin Nólsoyarleiðina, og tá var nakað av ónøgd hjá nólsoyingum, tí ov fá fólk sluppu við fleri tímar.


 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder