Teistin siglir eykatúr seinnapartin

Tá Hasfjord fekk maskinbrek, tá hann lá inni við ferjuleguni á Gomlurætt, fekk Teistin ikki lagt at. Arbeitt varð við at fáa Hasfjord sleipaðan útum ferjuleguna, soleiðis, at Teistin kundi leggja at á Gomlurætt, og bert smávegis seinkingar vóru í ferðaætlanini hjá skipinum.

Ætlanin er, at siglingin á leið 60 og 61 í dag, skal verða smbr. ferðaætlan, men Strandferðslan boðar frá, at Teistin siglir eykatúr á leið 60 seinnapartin.

Ein eykatúrur verður sigldur av Gomlurætt klokkan 14.30 og úr Skopun klokkan 15.05.

Til hesar túrarnar ber ikki til at bíleggja pláss umvegis bíleggingarskipanina; víst verður til bilraðirnar í Skopun og Gomlurætt, skrivar Strandferðslan.