Tekja rivin í Sandavági: Eiga at halda seg innandura

Løgreglan hevur fingið nógvar fráboðanir um stormskaðar seinastu tímarnar.

Fráboðanir eru komnar úr øllum landinum, men umleið ein triðingur er komin úr Sandavági, sigur løgreglan.

Í Sandavági er ein tekja rivin, og takplátur fúka í vindinum.

Tí heitir løgreglan á íbúgvar í Sandavági, serliga í økinum norðast á Steigarbrekku, um at halda seg innandura í løtuni.