Tele-Post skiftir navn til Tusass

Grønlendska fjarskiftisfelagið og postfelagið við føroyingi í stjórasessinum, fer nú frá Tele-Post navninum. Nýggja navnið er Tusass.

Á føroyskum merkir nýggja navnið “Vit hoyrast”, og hevur verið brúkt í almennu grønlendsku fyritøkuni áður. Navnið varð á fyrsta sinni brúkt fyri 20 árum síðani sum heitið á talutíðartænastuni.

- Tusass er eitt gott grønlendskt orð, sum er lætt at úttala og minnast, bæði her heima og uttanlands. Tað er eitt navn, sum vit øll kenna, og sum nú fær ein nýggjan og breiðari merking, sigur forstjórin í Tusass, Kristian Reinert Davidsen.

Tusass er tjúgunda navnið hjá 150 ára gomlu fyritøkuni. 

Kristian Reinert Davidsen var stjóri í Føroya Tele í árunum 2006 til 2015.