Klokkan 22 fer Ternan í sigling aftur, eftir fyrr í dag at hava borið við sandbotn í havnarlagnum í Nólsoy.
Talan var um ein menniskjansligan feil, sum gjørdi at óhappið hendi, greiddi Jóan Petur Abrahamsen, rakstrarleiðari á Strandferðsluni, frá í útvarpinum í kvøld.
Ternan stóð føst í sandbotninum, og tí vóru bilarnir, sum stóðu á dekkinum fluttir longur aftur í skipið. Tað var nokk til at fáa skipið leyst aftur.
Kavarar hava verið niðri og kannað botnin, og nú er skipið klárt at fara í sigling aftur.
Siglt verður av Havnini klokkan 22 og úr Nólsoy klokkan 22:25, boðar Strandferðslan frá.
Umleið 60 fólk vóru við ternuni hendan túrin seinnapartin tá óhappið hendi.
Vinarliga broyt tínar kennifíla - og privatlívsstillingar fyri at síggja hetta innihald