Ingi Samuelsen
Longu á valkvøldinum hevði Donald Trump á orði, at alt bendi á at republikanski flokkurin eisini varðveitti meirilutan í Umboðsfólkatinginum.
Men hetta er ikki endaliga váttað fyrr enn nú, tað er greitt at republikanararnir hava vunnið 218 sessir og harvið meirilutan, skrivar AP tíðindastovan.
Enn vantar í at finna seinastu níggju av teimum 435 sessunum, men um fyribils úrslitini halda, fáa republikanararnir ein lítlan meirilutan á tríggjar sessir fleiri enn demokratarnir í Umboðsfólkatinginum, skrivar dr.dk.
Saman við valúrslitinum fyri senatið merkir tað, at Donald Trump hevur meiriluta í Kongressini.
Tvey kømur eru í amerikansku kongressini. Í Senatinum sita tvey umboð, senatorar, fyri hvønn av statunum, og í Umboðsfólkatinginum velja statirnir umboð samsvarandi fólkatalinum.
Øll amerikansk lóggáva skal gjøgnum Kongressina, og harvið samtykkjast í bæði Senatinum og Umboðsfólkatinginum. Við republikanskum meiriluta í báðum kømrunum nú fær nógv betri møguleikar at fáa sín politikk ígjøgnum.
Henda støða kann broytast um tvey ár tá miðskeiðisval verða til Kongressina.
Vinarliga broyt tínar kennifíla - og privatlívsstillingar fyri at síggja hetta innihald