The Seventh Day: Nýtt staklag frá Sigmundi Zachariassen

Herfyri kom nýtt lag frá Sigmundi Zachariassen út.

Sigmund er mest kendur sum limur í Joe & The Shitboys og Kóboykex, men nú er hann so eisini klárur við soloútgávu.

Nýggja lagið eitur ”The Seventh Day”, og er av komandi útgávuni ”The Everlasting Pump”, sum kemur út seinni í summar.

Við sær á lagnum hevur Sigmund Jacob Bjarka Bech á gittara, Aksel Tórgarð á bassi, Sjúrður Djurhuus Tróndheim á orgul, og Tóra Atlason á trummum.

Lagið, ið kann hoyrast omanfyri, finst eisini á øllum teimum vanligu stroymingartænastunum.