Tíggju mans tikið prógv til at føra tornkrana

Í síðstu viku hava tíggju mans frá J&K Petersen tikið prógv til at føra tornkrana.

Tí verandi og væntandi øktan tørv og fyri at halda trygdina á byggiplássunum í hásæti, hevur felagið sjálvt tikið stig til skeiðið, sigur J&K Petersen.

Av tí at tað, sum nú er, ikki er møguligt at taka tornkranaskeið í Føroyum, hevur J&K Petersen fingið skeiðshaldara úr Noregi til Føroya at halda skeiðið. Skeiðið er skipað sambært norskum og altjóða reglugerðum, og í samráð við Arbeiðs- og brunaeftirlitið fáa skeiðsluttakararnir eisini útflýggjað eitt føroyskað førarabræv.