Tíggju tilburðir sunnudagin

Koronakanningarnar sum vórðu gjørdar um viksukiftið eru greinaðar, og tíggju tilburðir vóru staðfestir sunnudagin. Hetta er fyrsta økingin í tilburðum síðani metstóra smittutalið mikudagin í síðstu viku

(Savnsmynd: Ólavur Frederiksen / Faroephoto)

(Savnsmynd: Ólavur Frederiksen / Faroephoto)

2020-08-11 15:28 Author image
Sverri Egholm
placeholder

Allar koronakanningarnar, sum vórðu gjørdar leygardagin og sunnudagin eru nú greinaðar, og talan er um fleiri tilburðir afturat.

Millum kanningarnar, sum vórðu gjørdar leygardagin, vóru 7 tilburðir staðfestir. Millum tær 2269 kanningarnar, sum vórðu gjørdar sunnudagin, eru nú í alt 10 tilburðir staðfestir.

Millum tær kanningar, sum vórðu gjørdar í gjár, er longu ein tilburður staðfestur. Enn hevur Landslæknin ikki endaliga yvirlitið yvir, hvussu nógvar kanningar vórðu gjørdar í gjár, men talið av kanningum liggur í øllum førum omanfyri 1000.

Sostatt eru 99 persónar staðfestir smittaðir í løtuni.

Heitt verður á tey kannaðu um at vísa serligt varsemi, til endaliga kanningarúrslitið er tøkt. 

 

placeholder
placeholder