Tikin fyri at koyra ávirkaður

Fyrrapartin í gjár varð tjaldingarøkið tømt í Gøtu, har G! Festivalur hevur verið um vikuskiftið, og í hesum sambandi kannaði løgreglan eisini ferðsluna í økinum.

Vakthavandi á løgreglustøðini sigur, at ein bilførari varð tikin fyri at koyra ávirkaður í Gøtu.

Viðkomandi varð tikin fyri at koyra ávirkaður av rúsdrekka, men illgruni er eisini um, at hann var ávirkaður av rúsevnum, og er blóðroynd tikin av honum.