Tikin fyri rúsdrekkakoyring

Seinasta náttin hevur verið rættiliga friðarlig, sigur løgreglan.

Løgreglan hevur verið nógv til staðar í náttarlívinum bæði í Suðuroynni, Eysturoynni og í høvuðsstaðnum. Nógv fólk vóru í býnum, men har var einki mál skrivað, sigur vaktleiðarin á løgreglustøðini.

Í nátt varð ein bilførari í Eysturoynni tó tikin fyri at koyra ávirkaður av rúsdrekka, og er hann nú skuldsettur fyri tað.