Tikin fyri rúsdrekkakoyring

Í nátt hevur verið stak friðarligt, sigur løgreglan.

Einasta málið, sum varð skrásett var í Leirvík, har ein bilførari varð tikin fyri rúsdrekkakoyring.

- Bilurin varð steðgaður um klokkan fimm í morgun, og tá førarin blásti í alkometrið, vísti tað nógv meira enn tað loyvda, sigur vaktleiðarin á politistøðini.

Blóðroynd er tikin av føraranum, og bíðað verður nú eftir úrslitinum.

Vaktleiðarin leggur afturat, at hóast nógvur vindur hevur verið í nátt, hevur løgreglan higartil ongar fráboðanir fingið um stormskaðar.