- Aftur í ár gleðir tað okkum at kunna bjóða øllum sangglaðum børnum á sangfagnað. Fyrireikingarnar eru byrjaðar, og eru nógv góð fólk í gongd við ymiskum fyrireikingum, soleiðis at vit aftur í ár kunnu vænta okkum ein fantastiskan sangfagna.
Hetta sigur Jóhan Hansen, ráðgevi innan barna og familjuøkið hjá Heimamissiónini við trubodin.fo.
Sangfagnaðurin er ein serlig lega, sum er fylt við sangi og tónleiki, og sum endar við at børnini hava tvær stórar konsertir í høllini í Nesvík. Umframt sangvenjingar við dugnaligum kórleiðarum, eru eisini aktivitetir og undirhald á skránni, eins og til aðrar legur í Nesvík.
Til konsert í høllini í Nesvík í fjør
Trúboðin skrivar, at tað ræður um at vera skjótur at melda til, tí seinastu árini hevur verið fult teknað eftir nakrar minuttir. Í 2021 gekk ein tími og 23 minuttir til sangfagnaðurin varð fullteknaður.
Tað fer at bera til at melda seg her
- Tað er hvørt ár eitt evni fyri sangfagnaðin. Í ár er tað “ljós” og kemur hetta at endurspeglast í sangunum og leguni annars.
Vinarliga broyt tínar kennifíla - og privatlívsstillingar fyri at síggja hetta innihald