Tingformaðurin heitt á øll um at lata seg kanna

Eitt starvsfólk í umsitingini hjá løgtinginum hevur fingið staðfest koronu. Tað váttaði Jógvan á Lakjuni, løgtingsformaður fyri Útvarpinum í gjár.

Viðkomandi, sum fekk staðfest koronu fríggjadagin, hevur seinastu tíðina ikki verið aðrastaðni enn heima og til arbeiðis, og tí er illgruni um, at smittan kann stava úr umhvørvinum í løgtinginum, sigur løgtingsformaðurin.

Jógvan á Lakjuni hevur heitt á tingfólk og onnur, sum starvast í tinginum, um at lata seg kanna áðrenn næsta tingfund, sum er settur til at vera mánadag seinnapart. Enn er ikki greitt, hvussu hetta fer at ávirka fundin.