Tóki fylti biografin

Skúlaungdómar tuskaðu inn í Havnar Bio í gjár til føroysku teknifilmsrøðina Skúla Scam, sum 17 ára gamli Tóki Jansson hevur gjørt.

Tóki var ógvuliga spentur undan sýningini. Hetta var frumsýningin, nú teknifilmsrøðin fer av landinum at luttaka á filmsfestivalinum Buster í Keypmannahavn.

Ungi filmsleikstjórin hevur sjálvur bæði teknað, skrivað handritið og lagt røddir til filmin. Jónas í Dali Wagner hevur lagt Tóka lag á, skrivar Filmshúsið í tíðindaskrivi.

Hetta er fyrstu ferð, ein føroyingur er umboðaður á filmsfestivalinum fyri børn- og ung í Keypmannahavn.