Tórbjørn Jacobsen stillar upp fyri Tjóðveldi

Tórbjørn Jacobsen, fyrrverandi løgtingsmaður og núverandi borgarstjórin í Runavíkar kommunu, stillar upp fyri Tjóðveldi til komandi løgtingsval.

Tað váttar valnevndin fyri Kringvarpinum í dag.

Umframt fleiri ár í løgtinginum, hevur Tórbjørn Jacobsen eisini sitið sum fólkatingsmaður og landsstýrismaður í bæði mentamálum og fiskivinnumálum.

Í 2011 fór hann úr landspolitikki og fór at starvast sum havnameistari í Runavíkar kommunu, har hann seinni eisini bleiv borgarstjóri.

Av teimum níggju flokkunum, sum stilla upp til løgtingsvalið hevur Tjóðveldi størsta valevnislistan. 34 valevni stilla nevniliga upp á tjóðveldislistanum.