Tóri Højgaard virkandi borgarstjóri í Runavík

Torbjørn Jacobsen, borgarstjóri í Runavíkar kommunu verður hesa vikuna burturstaddur í kommunalum arbeiðsørindum, og tí verður Tóri Højgaard virkandi borgarstjóri, boðar kommunan frá.

Tóri Højgaard er varaborgarstjóri og formaður í byggi- og býarskipanarnevndini og næstformaður í fíggjarnevndini í kommununi.

Hann var fyrstu ferð valdur í býráðið í Runavíkar kommunu í 2020 við 123 atkvøðum á lista A, og á valinum í 2024 fekk hann 158 atkvøður.