Mentan

Tórshavnar kommuna: Fleiri nýggj uttandura tilboð til øll

Kommunan setti ymisk tiltøk í verk í summar – Talan er um uttandura innbúgv, spøl og listprýðing, sum eggja borgarum at njóta frítíðina í býnum og í náttúruni

Mynd: Tórshavnar kommuna

Mynd: Tórshavnar kommuna

2020-09-19 18:10 Author image
Tíðindaskriv
placeholder

Kommunan setti ymisk tiltøk í verk í summar, nú tey flestu blivu heima í Føroyum alt summarið. Men hóast heystið er her, fara nýggju tilboðini ongan veg.

Talan er um uttandura innbúgv, spøl og listprýðing, sum eggja borgarum at njóta frítíðina í býnum og í náttúruni.

Spæl í miðbýnum
Tvey borðtennisborð eru sett upp í Tinghúsgarðinum. Batt og bóltur til borðtennisborðini eru til láns á Býarbókasavninum. Nærri kunning um hetta kemur seinni.

Ein pinkuvøllur er eisini gjørdur í Tinghúsgarðinum, har til ber at sparka.

Ein kurvabóltskurv er sett upp í Kongagøtu oman fyri Grasagarð.

Á gongugøtuni ber eisini til at lakka paradís.

Grillpláss
Harumframt eru grillir settar í grønum økjunum í kommununi. Grillirnar eru hesi støð:

• Í Havnardali, beint við viðarlundina.
• Við Svartafoss
• Oman fyri Sandagerð
• Í Nólsoy, á fríøkinum mitt í bygdini
• Í Kollafirði, við smábátahavnina

Øll eru vælkomin at grilla. Borgarin tekur sjálvur kol og tendrikubbar við.

Afturat hesum hevur kommunan sett nógv nýggj borð ymsastaðni og eisini beinkir í fríøkjum í kommununi soleiðis, at borgarin kann njóta náttúruna í býnum og kring býin.

placeholder
placeholder