Innanlands

Tórshavnar kommuna hevur gjørt avrikssáttmála við Felagið Tórshavn

Tað er millum annað stuðul frá hesum felagnum, ið fíggjar Visit Tórshavn, sum millum annað kunnar um ferðavinnuna í Tórshavnar kommunu. Í 2021 verður ein nýggjur ferðavinnupolitikkur orðaður, og so verður serligur dentur lagdur á at fáa glið á vinnuferðavinnuna aftur

Henny á Líknargøtu og Liljan Weihe úr Visit Tórshavn saman við Heðini Mortensen, borgarstjóra (Mynd: torshavn.fo)

Henny á Líknargøtu og Liljan Weihe úr Visit Tórshavn saman við Heðini Mortensen, borgarstjóra (Mynd: torshavn.fo)

2021-01-14 16:42 Author image
Agnar Prestá
placeholder

Í gjár varð ein avrikssáttmáli gjørdur millum Tórshavnar kommunu og Felagið Tórshavn.

Felagið Tórshavn er sambært heimasíðuni hjá Visit Tórshavn eitt felag fyri vanligar borgarar og fyri handlar í býnum. Endamálið við felagnum er at skapa upplýsing um býin og virksemið í býnum. Tað er limagjaldið frá teimum, ið eru í felagnum, umframt annar stuðul, ið fíggjar virkseminum hjá Visit Tórshavn.

Visit Tórshavn skal arbeiða ítøkiliga við ferðavinnu og marknaðarføring, og so skal felagið branda og menna vinnuferðavinnuna í Føroyum. Felagið kunnar harumframt um ferðavinnuna í Tórshavnar kommunu bæði innanlands og úti í heimi.

Heimasíðan hjá Tórshavnar kommunu skrivar, at í 2021 verður ein nýggjur ferðavinnupolitikkur orðaður, og so verður serligur dentur lagdur á at fáa glið á vinnuferðavinnuna aftur eftir eitt rakár vegna koronu.

Visit Tórshavn fer eisini at leggja seg eftir at skelta í kommununi, og ein ætlan verður eisini gjørd fyri ferðamannaskip, sum koma á havn í Tórshavnar kommunu.




placeholder
placeholder