Tórshavnar kommuna: Nú kunnu grannaløg søkja um jólatræ til jóla

Í ár verða aftur størri jólatrø sett upp í bygdunum í Tórshavnar kommunu og øllum býarpartunum í Havn, og sum nakað nýtt kunnu eigarafeløg og grannaløg nú eisini søkja um at fáa eitt jólatræ og ein jólatræsfót at seta upp í grannalagnum til jóla.

Tað skrivar Tórshavnar kommuna á heimasíðuna.

Jólatrøini, sum grannaløgini kunnu bíleggja sær, eru umleið 2-3 metrar høg, og til ber at bíleggja grannalagnum jólatræ og jólatræsfót fram til 5. november 2021.

Meira kunning um, hvussu ber til at søkja, og hvørjar treytirnar eru, sæst her.