Mentan

Tórshavnar Manskór framførir saman við kóri úr Melbourne

LianMeng AusChina Senior Choir er altjóða viðurkent kór. Á konsertini hósdagin í Hátúni verður sungið á kinesiskum, føroyskum og enskum

LianMeng kórið er blandað kór og kemur til Føroya júst eftir at hava luttikið á altjóða kórstevnuni World Choir Games í Helsingborg - nú skal tað syngja saman við Tórshavnar Manskóri

2026-08-11 17:30

Tíðindaskriv

Forvitnislig og altjóða konsert við Tórshavnar Manskóri & LianMeng AusChina Senior Choir úr Melbourne verður í Hátúni hósdagin 13. august klokkan 19.00.

LianMeng kórið, ið er blandað kór, kemur til Føroya júst eftir at hava luttikið á altjóða kórstevnuni World Choir Games í Helsingborg. Í kappingini (opni flokkur) hevur kórið staðið seg væl og vunnið silvurheiðursløn.

LianMeng kórið verður stjórnað av Emily Xiao Wang.

Á konsertini framføra kórini eina fjølbroytta skrá - kórini syngja hvør sær, men eisini fara kórini syngja saman. Eisini verður solosangur og ljóðførisinnslag á konsertini.

Sungið verður á kinesiskum, føroyskum og enskum.

Tórshavnar Manskór, eitt av virknastu kórum í Føroyum, hátíðarheldur 40 ár í ár. Bjarni Restorff og Kári av Reynu stovnaðu kórið í 1986.

Jón Festirstein er kórleiðari hjá Tórshavnar Manskóri.

Konsertin er ókeypis.

Vinarliga broyt tínar kennifíla - og privatlívsstillingar fyri at síggja hetta innihald