Toyota ovast á listanum

Tað sær út til at vera hørð kapping millum bilasølurnar. Tær skiftast um plássini á uppgerðini yvir mest seldu merki, sum Akstovan ger upp hvønn mánað.

Hesaferð er tað Toyota sum Reyni Service umboðar, sum hevur heiðurin av at liggja á fyrsta plássi við 34 seldum bilum.

30 Volvo bilar eru farnir um diskin hjá Wenzel, sum gevur svenska bilmerkinum eitt annað pláss, meðan tað hjá Bilrøkt vórðu seldir 28 bilar av slagnum Kia, sum sostatt er triðmest seldi bilur.

Kia eigur framvegis plássið sum mest seldi bilur í ár við 168 bilum.

Samlaða sølan av akførum er eitt vet hægri í ár enn hon var sama tíðarskeið í fjør. Akstovan hevur skrásett 1.594 akfør frá januar til juni í mun til 1.419 akfør sama tíðarskeið í fjør. Tað er ein øking upp á 175 akfør og 12,33 prosent.

Mest seldu bilmerki í juni

1. Toyota (34 akfør)

2. Volvo (30 akfør)

3. Kia (28 akfør)

4. Volkswagen (20 akfør)

5. Brenderup (17 akfør)

6. Hyundai (17 akfør)

7. Ford (15 akfør)

8. Renault (15 akfør)

9. Mercedes-Benz (14 akfør)

10. Peugeot (14 akfør)

Mest seldu bilmerki frá januar til juni

1. Kia (168 akfør)

2. Toyota (148 akfør)

3. Volkswagen (137 akfør)

4. Ford (129 akfør)

5. Hyundai (119 akfør)

6. Volvo (117 akfør)

7. Renault (81 akfør)

8. Mercedes-Benz (72 akfør)

9. Citroen (58 akfør)

10. Suzuki (54 akfør)