Traktorar úr øllum landinum koma til Havnar

Í sambandi við fyrstu viðgerð av málinum hjá Høgna Hoydal um nýggja ferðavinnulóg, verða einir 40 traktorar í Havn í dag.

Tað skriva jn.fo og Eysturoyarportalurin í morgun.

Traktor-fylgið er farið úr Norðoyggjum í morgun og so leggjast traktorar afturat, so hvørt sum verður komið suður móti Havnini.

Eisini Útoyggjafelagið, Bóndafelagið, Óðalsfelagið o.o stevna á løgtingið í dag til stórt mótmælistiltak.

Tingfundurin byrjar klokkan 10, men lógaruppskotið um ferðavinnu er sjeynda mál á skránni, so tað verður helst ikki fyrr enn út á dagin, at tann viðgerðin byrjar.