Í gjár kannaði løgreglan ferðsluna í Eysturoynni, og har vórðu tríggir bilførarar tiknir fyri at koyra ov skjótt í bygdum øki.
Teir koyrdu ávikavíst 69, 75 og 90 km/t, sigur vakthavandi á politistøðini í Havn. Í bygdum øki er bert loyvt at koyra 50 km/t.
Ein førari fekk eina bót, ein fekk eitt klipp í koyrikortið, og ein fekk eina treytaða frádøming, og má hann sostatt taka koyrikortið av nýggjum.
Í Norðurstreymoy var eisini eitt ferðsluóhapp, har ein bilførari hevði koyrt útav vegnum og hevði rent á eitt skelti.
Talan var ikki um eitt álvarsligt óhapp, men tað vísti seg, at bilførarin hevði koyrt við kenning, og er hann nú skuldsettur fyri tað.
Vinarliga broyt tínar kennifíla - og privatlívsstillingar fyri at síggja hetta innihald