Tríggir bilførarar koyrdu ov skjótt

Týsmorgunin stutt eftir klokkan níggju var løgreglan úti og gjørdi ferðmátingar í Kollafjarðardali, og í hesum sambandi vórðu tríggir bilførarar tiknir fyri at koyra ov skjótt, upplýsir vaktleiðarin á løgreglustøðini í Havn.

Ein bilførari koyrdi 101 kilometur um tíman, ein koyrdi 102, og ein koyrdi 110 kilometrar um tíman, hóast mest loyvda ferðin er 80.

Teir fáa allir klipp í koyrikortið.