Tríggir koronatilburðir í gjár

Tríggir nýggir koronatilburðir vórðu funnir í gjár. Tað vísa nýggjastu tølini hjá landslæknanum. 

Tveir persónar eru partur av smittuketu, sum landslæknin fylgir. Ein persónur er komin til Føroya úr útlondum, og fekk staðfest smittuna við kanningini á flogvøllinum. 

Í gjár vórðu 670 kanningar gjørdar. Í løtuni eru 22 persónar smittaðir í Føroyum.

Tilsamans hava nú 528 persónar fingið staðfest smittuna í Føroyum. Í alt eru 506 persónar staðfestir frískir aftur.