Tríggir menn saknaðir í Diskovíkini

Teir tríggir saknaðu menninir sigldu leygardagin úr økinum Qeqertaq í einari sokallari "Poca jollu". Tá menninir mánadagin enn ikki vóru náddir fram til Ilulissat, bleiv ein leitingaratsókn sett í verk. 

Sambært grønledskum miðlum, varð í gjárskvøldið boðað frá, at menninir enn ikki eru funnir. Tískil verður nú eitt enn størri leitingarátak sett í verk, fyri at finna burtumistu menninar aftur. 

Bæði flogfør og bátar eru í løtuni úti í Diskovíkini í Grønlandi, fyri at finna væntandi spor frá monnunum. Grønlendska bjargingartænastan, Arktisk Kommando, heitir eisini sínar borgarar, um at hjálpa til við bjargingararbeiðinum.