Tríggir persónar handtiknir fyri innbrot

Í nátt um eitt-tíðina varð boðað frá innbroti í FK í Hoyvík, og í hesum sambandi hevur løgreglan handtikið tríggjar persónar.

Vaktleiðarin á løgreglustøðini í Havn kann ikki siga so nógv um málið í løtuni, men upplýst verður, at ymisk ting úr handlinum vórðu funnin í sambandi við handtøkurnar.

Tveir av teimum handtiknu eru longu leyslatnir aftur, meðan tann triði enn er hjá løgregluni.