Tríggir røðarar á Vaglinum seinnapartin

Í dag er 1. mai, Altjóða Arbeiðaradagur, og í hesum sambandi verður aftur skipað fyri 1. maidagshaldi á Vaglinum í Havn.

Tað er Havnar Arbeiðarafelag, sum skipar fyri tiltakinum, sum byrjar klokkan 15.

Á skránni verður tónleikur frá Havnar Hornorkestri, umframt fleiri røður, boðar felagið frá.

Røðarar verða Høgni Hoydal, løgtingsmaður fyri Tjóðveldi, Helena Dam á Neystabø, fyrrverandi løgtingskvinna fyri Javnaðarflokkin, og Kári Johansen, arbeiðsmaður og nevndarlimur í Havnar Arbeiðarafelag.

Havnar Arbeiðarafelag hevur regluliga skipað fyri 1. maidagshaldi síðan 1962.