Tríggjar bøtur í nátt

Seinasta náttin hevur sum heild verið friðarlig hjá løgregluni, men stutt fyri klokkan fýra endaði ein maður við at fáa tríggjar bøtur frá løgregluni, upplýsir vaktleiðarin á løgreglustøðini í Havn.

Viðkomandi fekk tvær bøtur á 1.500 krónur fyri brot á skilhaldsreglurnar fyri at vísa løgregluni longutong, og tá hann ikki vildi siga løgregluni, hvør hann var, fekk hann eisini eina bót fyri brot á rættargangslógina. Tann bótin er 1.000 krónur.

Sostatt fekk sami maður tilsamans 4.000 krónur í bót.