Tríggjar bøtur skrivaðar í Klaksvík

Løgreglan ger hesa tíðina javnan átøk við skúlar og stovnar har foreldur fara við børnum um morgunin.

Soleiðis var eisini í gjár, tá kanningar vórðu gjørdar í Klaksvík, í Sørvági og við tríggjar skúlar og dagstovnar í Havn.

Sum heild er gott skil á, verður upplýst av politistøðini. Men í Klaksvík vórðu trý mál skrivað í gjár, sum útloysa bøtur.

Í einum føri var barnið ikki rætt íbundið, í einum føri sat bilførarin uttan trygdarbelti og í triðja førinum var talan um ólógliga parkering í einum busslumma.

Annars hevur verið sera friðarligt í nátt, upplýsir vaktleiðarin.