Í kvøld, mikukvøldið 19. januar, fer Jenis av Rana, at handa virðislønirnar til lista- og mentafólk fyri árið 2021.
Landstýrismaðurin í mentamálum verður saman við teimum tilnevndu og innbodnum í SALT á Drelnesi (í Trongisvági) Tiltakið er ikki fyri alemnningini í ár, vegna koronustøðuna, men kann síggjast í Kringvarpinum.
Tríggjar virðislønir skulu handast:
Mentanarvirðisløn landsins, sum er 150.000 krónur, verður latin fyri at heiðra føroyskt mentafólk sum tøkk fyri útint listarligt avrik.
(Vinnari í fjør: Sigrun Gunnarsdóttir, listakvinna,)
Heiðursgáva landsins, sum er 75.000 krónur, verður latin fyri at hava virkað til frama fyri mentanarlig virði, sum hava týdning fyri føroyska mentan, list og mentanararv.
(Vinnari í fjør: Ósbjørn Jacobsen, arkitektur)
Serstaka virðisløn landsins, sum er 50.000 krónur, verður latin lista- ella mentafólki, ið hevur víst serliga góð evni og/ella hevur gjørt vart við seg á sínum øki.
(Vinnari í fjør: Birita Poulsen, operasangar)
Tað er ein nevnd, ið landsstýrismaðurin í mentamálum hevur sett, ið ger tilmæli um virðislønirnar. Alda Joensen er forkvinna. Hetta skrivar kvf.fo, sum á heimasíðu sínari, hevur yvirlit yvir vinnarar aftur til 1998, tá Mentanarvirðisløn landsins varð latin fyrstu ferð.
Vinarliga broyt tínar kennifíla - og privatlívsstillingar fyri at síggja hetta innihald