Uttanlands

Trump flytir til Florida

Sambært amerikanska forsetanum er orsøkin, at hann er blivin illa viðfarin av politikarum í New York

Donald Trump (Mynd: EPA)

Donald Trump (Mynd: EPA)

2019-11-02 13:02 Author image
Alda Nielsdóttir

Amerikanski forsetin, Donald Trump er nú ikki longur skrásettur sum búsitandi í New York.

Á Twitter boðar hann nevniliga frá, at hann hevur flutt bústað til Palm Beach í Florida.

Higartil hevur Trump havt sín varandi bústað í New York, ein íbúð ovast í Trump Tower á Fifth Avenue í New York City.

Orsøkin til flytinginina er, sambært Trump, at tey í New York ikki eru farin væl við honum.

- Hóast eg á hvørjum ári havi goldið mió. av dollarum í skatti til býin og statin, eri eg vorðin illa viðfarin av politisku leiðarunum í statinum og býnum, skrivar Trump á Twitter.

Andrew Cuomo, guvernørur í New York svaraði soleiðis aftur í tíðindaskrivi:

- Góða eydnu. Trump rindaði alíkavæl ikki skatt her. Gerið so væl, Florida.

Sambært Politiken verður tað frítíðarstaðið hjá Trump, Mar-a-Lago í Palm Beach, sum verður nýggi bústaður hansara. Trump hevur áður hildið til har um veturin, og síðan han gjørdist forseti, hevur hann verið har í tilsamans 99 dagar. Síðan hann gjørdist forseti hevur hann bert verið í Trump Tower í 20 dagar tilsamans.

placeholder
placeholder