Alda Nielsdóttir
Í gjár undirskrivaði amerikanski forsetin, Donald Trump eina løgskipan, sum fer at leggja toll á vørur úr Meksiko, Kanada og Kina. Hetta fer væntandi í gildi týsdagin 4. februar.
Tollur á 25 prosent verður lagdur á nærum allar vørur úr Meksiko og Kanada, meðan 10 prosent verður lagt á allar vørur úr Kina. 10 prosent verða eisini lagt á olju úr Kanada.
Trump hevði frammanundan boðað frá avgerðini um at leggja toll á vørur hjá trimum teimum størstu handilsfelagunum hjá USA.
Grundgevingin er, at Kanada og Meksiko sambært amerikanska forsetanum viðvirka til eina heilsukreppu og tilflytarakreppu í USA, tí at ov nógvir tilflytarar úr Meksiko koma inn í USA ólógliga, umframt at ov stórar nøgdir av pínustillandi evninum fentanyl koma inn á amerikanska marknaðin úr hesum londum. Á hvørjum ári doyggja túsundatals amerikanarar av fentanylmisnýtslu.
Sambært Ritzau hevur Tump eisini hótt við at leggja toll á vørur úr ES.
Vinarliga broyt tínar kennifíla - og privatlívsstillingar fyri at síggja hetta innihald