Trump til reiðar at kjakast við Kamalu Harris

Donald Trump, forsetavalevni hjá republikanarunum, sigur seg nú vera til reiðar at kjakast við valevnið hjá demokratunum, Kamala Harris.

Tað skrivar Ritzau tíðindastovan.

(Mynd: EPA)

Trump skrivar á sínum egna sosiala miðli, Truth Social, at hann skal vera blivin samdur við sjónvarpsstøðina Fox News um at luttaka í einum kjaki 4. september.

Enn er ikki greitt, um Kamala Harris eisini hevur játtað at luttaka í sjónvarpskjakinum.

Kamala Harris (Mynd: EPA)

Fráboðanin kemur eftir, at Kamal Harris í gjár tryggjaði sær atkvøðurnar í flokkinum til at gerast forsetavalevni hjá demokratunum.

Amerikanska forsetavalið verður 5. november.