Trý fólk flutt á sjúkrahúsið eftir ferðsluóhapp

Um 16 tíðina seinnapartin rendu tveir bilar saman á Velbastaðhálsi.

Trý fólk eru flutt á Landssjúkrahúsið til nærri kanningar, men á løgreglustøðini í Havn vita tey ikki meira um støðuna hjá teimum.

Vegurin var stongdur í ein tíma ella so, men er nú latin upp aftur.

Orsøkin til óhappið varð hálka, sigur vaktleiðarin á løgreglustøðini.