Trý klipp og eitt koyrikort reyk

Aftur hesaferð var tað ikki til fánýtis at løgreglan gjørdi ferðmátingar í Norðskálatunlinum.

Í gjárkvøldið vóru tað nevniliga fleiri bilførarar, sum koyrdu skjótari enn ferðslulógin loyvir, og tað gav í trimum føri klipp, og í einum føri frádøming av koyrikorti.

Allir koyrdu omanfyri 100 kilometrar um tíman og í tí førinum, har bilførarin misti koyrikortið, varð koyrt 122 km/t. Viðkomandi missir kortið treytað, og skal taka koyrikortið einaferð afturat innan tríggjar mánaðir.