Ingi Samuelsen
Eysturoyartunnilin setir nú nýggja prísskipan í verk, so at ongin persónbilur kemur at rinda meira enn 2.100 krónur um mánaðin í tunnilsgjaldi. Hetta verður galdandi frá í morgin, 1. juli.
Skipanin ber í sær, at tá ein persónbilur hevur koyrt 40 túrar gjøgnum tunnilin, so verður onki gjald tikið fyri eftirfylgjandi túrar í mánaðinum.
Tað boðar tunnilsfelagið frá á Facebook-vanga sínum í dag.
Hetta er galdandi fyr tey, sum koyra millum Hvítanes og Runavík/Strendur. Tilsvarandi verður mesta gjald fyri túrar tvørtur um fjørðin er 700 krónur um mánaðin.
Skipanin nú er, at goldið verður 75 krónur fyri (25 krónur fyri Rókin/Strendur)teir fyrstu 10 túrarnar. Síðan lækkar gjaldið til 65 (22) krónur fyri túrarnar 11-20, til 40 (13) krónur fyri túrarnar 21-30 og 30 (10) krónur fyri túrarnar 31-40.
Henda skipanin kom í gildið á nýggjárinum. Munurin nú er, at prísirnir fyri túr nummar 40 og hareftir í sama mánaði verður ókeypis. Í løtuni verður goldið 30 (10) krónur fyri allar túrar oman fyri túr nummar 30.
(Tekstur broyttur. Nýggja prísskipanin varð í upprunatekstinum sammett við eina gamla skipan, ið var galdandi fram til nýggjárs)
Vinarliga broyt tínar kennifíla - og privatlívsstillingar fyri at síggja hetta innihald