Turkaland fyllir 100 ár

Í dag er hundrað ár síðan Turkaland varð grundarlagt sum lýveldi. Tað var 29. oktober 1923, at landið varð grundarlagt við Ankara sum høvuðsstaði.

Lýðveldið byggir á leivdirnar eftir 600 ára gamla stórveldið osmaniska ríkið, ella ottomanska ríkið. Hetta ríkið var sterkast undir 1600-talinum, men misti sín týdning í byrjanini av 1900-talinum. Serliga fyrra heimskríggj rakti landið hart.

Tá Turkaland varð stovnað, vóru leiðorðini sekularisering (verðsliggerð) og modernisering (nútíðargerð). Landins fyrsti forseti, Mustafa Kemal Atatürk, heitti eitt nú á borgarnar í landinum, at lata seg í vesturlendsk klæði.