Turkur í Klaksvík

Tað regnar nógv í Klaksvík. Soleiðis verður ofta sagt - vanliga eru tað fólk aðrastaðni frá, ið á ein hátt arga klaksvíkingar við hesum.

Nú eru trupulleikar orsakað av turki í Klaksvík, og tí hevur Klaksvíkar kommuna í dag skrivað hetta á heimasíðu sínari.

- Heitt verður á allar borgarar og virkir í Klaksvíkar kommunu um at spara upp á vatnnýtsluna, so leingi turkur er.

Tað eru fleiri støð í Føroyum, ið hava havt hendan trupulleikan í summar, og tí hava eru ymsar kommunur komnar við slíkum áheitanum.